لہور وچ شدید گرمی نال شہری نڈھال، گھراں توں باہر نکلنا محال

لہور(پنجابی میڈیا)لہور وچ شدید گرمی پاروں شہری نڈھال ہوگئے، گرمی دی شدت ودھن نال شہریاں لئی گھراں توں باہر نکلنا محال ہو گیا۔محکمہ موسمیات مطابق صوبائی دارالحکومت لہور وچ گرمی دی شدت برقرار اے تے شہر دا گھٹ توں گھٹ درجہ حرارت 30 جدکہ َودھ توں وَدھ درجہ حرارت43 ڈگری سینٹی گریڈ تک جان دا امکان اے۔محکمہ موسمیات دے اعداد وشمار مطابق شہر وچ ہوا دی رفتار 11 کلومیٹر فی گھنٹہ ریکارڈ کیتی گئی اے جدکہ ہوا وچ نمی دا تناسب 31 فیصد تک اپڑ گیا اے لیکن شہر وچ بادل وَسن دے 10 فیصد امکان نیں۔