چیف جسٹس سندھ تے لہور ہائی کورٹس دی بطورجج سپریم کورٹ منظوری
اسلام آباد(بیورورپورٹ)پارلیمانی کمیٹی برائے ججز تعیناتی نے چیف جسٹس سندھ تے لہور ہائی کورٹ دی بطور جج سپریم کورٹ منظوری دے دتی۔سپریم کورٹ دے ججاں دی تعیناتی دے معاملے اُتے پارلیمانی کمیٹی برائے جج تعیناتی دا اجلاس ختم ہو گیا، اجلاس نے سپریم جوڈیشل کمیشن ولوں گھلے گئے ناماں دی توثیق کر دتی، پارلیمانی کمیٹی نے ججاں دے ناماں دی منظوری دے دتی۔اجلاس وچ چیف جسٹس لہور ہائی کورٹ جسٹس ملک شہزاد احمد خان دی بطور جج سپریم کورٹ منظوری د تی گئی۔پارلیمانی کمیٹی نے چیف جسٹس سندھ ہائی کورٹ جسٹس عقیل احمد عباسی دی وی بطور جج سپریم کورٹ منظوری دے د تی۔پارلیمانی کمیٹی برائے جج تعیناتی ولوں لہور ہائی کورٹ دے جسٹس شاہد بلال دی وی بطور جج سپریم کورٹ منظوری دے دتی گئی۔
