مخصوص نشستاں دا کیس :و یلا آگیا اے کہ ملک آئین مطابق ہی چلے،چیف جسٹس

اسلام آباد(بیورورپورٹ)سپریم کورٹ آف پاکستان وچ سنی اتحاد کونسل دی مخصوص نشستاں بارے کیس دی براہ راست سماعت جاری اے ۔چیف جسٹس قاضی فائز عیسی دی سربراہی وچ13رکنی فل کورٹ سماعت کررہیا اے، عدالت عظمی وچ سنی اتحاد کونسل دے وکیل فیصل صدیقی ولوں دلائل جاری نیں ۔سنی اتحاد کونسل دے وکیل فیصل صدیقی ولوں اعلی عدلیہ دے مختلف فیصلیاں دا حوالہ د تا گیا ، جس وچ جسٹس منیب اختر، جسٹس جمال مندوخیل اور جسٹس منصور علی شاہ کے فیصلوں کا حوالہ شامل تھا، وکیل فیصل صدیقی نے عدالت کو بتایا کہ فیصلوں میں آئینی تشریح نوں نیچرل حدود نال مطابقت اُتے زور دتا گیا۔وکیل فیصل صدیقی نے آکھیا کہ آزاد امیدوار کسی وی سیاسی جماعت وچ شامل ہوسکدے نیں، الیکشن کمیشن نے سیاسی جماعت دی غلط تشریح کیتی، الیکشن کمیشن نے مخصوص نشستاں بارے آئین نوں نظرانداز کیتا۔فیصل صدیقی نے آرٹیکل 51 تے آرٹیکل 106 دا حوالہ د یندیاں ہو یاں آکھیاکہ آئینی شقاں دے کجھ بنیادی پہلو نیں، اک پہلو تاں ایہ اے کہ مخصوص نشستاں متناسب نمائندگی دے اصول اُتے ہون گیاں، دُوجا پہلو ایہ اے کہ ایہ نشستاں ہر جماعت دی دتی گئی فہرست اُتے ہون گیاں، تریجاپہلو ایہ اے کہ ہر جماعت نوں اپنی جنرل نشستاں نارے ساب نال ہی ایہ نشستاں آزاد امیدواراں دی شمولیت دے بعد ملن گیاں۔جس اُتے جسٹس جمال مندوخیل نے آکھیا کہ آزاد امیدوار الیکشن وچ حصہ لین والی کسے وی جماعت وچ شامل ہوسکدے نیں، جیہڑیاں سیاسی جماعتاں الیکشن لڑ کے آئیاں نیں اونہاں نوں عوام نے ووٹ دتااے، ایسی سیاسی جماعت جس نے الیکشن وچ حصہ ہی نہیں لیا اوس نوں مخصوص نشستاں کسطرح دتیاں جاسکدیاں نیں؟جسٹس اطہر من اللہ نے آکھیا کہ الیکشن نشان چلے جان دے بعد پولیٹیکل پارٹی نہیں رہی، لیکن پولیٹیکل ان لسٹڈ پولیٹیکل پارٹی تے اے، الیکشن کمیشن نے ان لسٹڈ پارٹی تے قرار دتااے، پی ٹی آئی اگر اجے وی پولیٹیکل پارٹی وجود رکھدی اے تے اونہاں نے دُوجی جماعت وچ کیوں شمولیت اختیار کیتی؟چیف جسٹس نے ریمارکس د تے کہ اگر ایس دلیل نوں درست من لیا جائے تے تُسی دُوجی جماعت وچ شمولیت اختیار کرکے خودکشی کیوں کیتی، ایہ تاں تہاڈے اپنے دلائل دے خلاف اے۔جسٹس شاہد وحید نے آکھیاکہ الیکشن کمیشن دے رول92 دی ذیلی شق 2پڑھو، جسٹس منیب اختر نے آکھیا کہ آزاد امیدوار الیکشن کمیشن نے قرار دتا، الیکشن کمیشن دی رائے دا اطلاق ساڈھے اُتے لازم نہیں، پارلیمانی جمہوریت دی بنیاد سیاسی جماعتاں نیں،الیکشن کمیشن نے پی ٹی آئی امیدواراں نوں سپریم کورٹ فیصلے سبب آزاد امیدوار قرار دتا ایہ تاں بوہت خطرناک تشریح اے۔جسٹس امین الدین خان نے ریمارکس د تے کہ سارے امیدوار پی ٹی آئی دے سن حقائق منافی نیں، پاکستان تحریک انصاف نظریاتی سرٹیفکیٹس جمع کروا کر واپس کیوں لئے گئے؟چیف جسٹس نے فیصل صدیقی نال مکالمے وچ آکھیا کہ اسیں ایہ نہیں سناں گے کہ الیکشن کمیشن نے پی ٹی آئی نال زیادتی کیتی، اسیں آئین و قنون مطابق گل سناں گے۔