5،6ہزارٹی ٹی پی دے اَت گردپی ٹی آئی حکومت وچ لیائے گئے،خواجہ آصف

اسلام آباد(بیورورپورٹ)وزیر دفاع خواجہ آصف نے آکھیا اے کہ ٹی ٹی پی تے بی ایل اے اَت گرداں دی سرغنہ جماعتاں نیں، 5،6 ہزار ٹی ٹی پی دے اَت گرد پی ٹی آئی حکومت وچ لیائے گئے، ٹی ٹی پی نوں پی ٹی آئی دی حکومت وچ پناہ گاہواں تے عام معافی دتی گئی۔وزیرِ دفاع خواجہ آصف نے اک انٹرویو وچ اونہاںنے آکھیاکہ فوج اَت گرداں دی صفائی داآپریشن کر د یندی اے لیکن ایس علاقے دی سویلین حکومت اپنی ذمے داری پوری نہیں کر دی۔اونہاںنے آکھیاکہ جنرل باجوہ تے جنرل فیض نے ٹی ٹی پی دے نال معاملات طے کیتے تے ساہنوں سرسری سا بریف کیتا، اسیں ایس طرح منظر کشی کیتی جسطرح سب ٹھیک اے تے سوات وچ دودھ تے شہد دی نہراں بہہ رہیاں نیں۔وزیرِ دفاع خواجہ آصف نے آکھیا کہ ایس بریفنگ وچ سیاستداناں نے سوال کیتے، سب توں وَدھ علی وزیر تے محسن داوڑ نے فیصلے نوں چیلنج کیتا لیکن اونہاںنوں بولن نہیں دتا گیا۔اونہاں نے آکھیا کہ افغانستان دے وزیراں تے رہنماواں نال ملاقات ہوئی، جنہاں ولوں کوئی سخت رویہ یا پاکستان لئی مخالفانہ جذبات محسوس نہیں کیتے۔