عمران خان اُتے سنگین مقدمے بنان دے خلاف درخواست اُتے رپورٹ جمع کران داحکم

لہور(پنجابی میڈیا)لہور ہائیکورٹ نے پاکستان تحریک انصاف دے بانی عمران خان اُتے سنگین مقدمے بنان دے خلاف درخواست اُتے رپورٹ جمع کران دا حکم دے د تا۔لہور ہائیکورٹ دی جسٹس مس عالیہ نیلم دی سربراہی وچ 2 رکنی بنچ نے عمران خان دی درخواست اُتے سماعت کیتی، درخواست گزار ولوں ایڈووکیٹ لطیف کھوسہ عدالت وچ پیش ہوئے۔دوران سماعت عدالت نے درخواست گزار دے وکیل توں استفسار کیتا کہ تہانوں ساریاں معلوماتاں فراہم کر دتیاں گئیاں نیں؟جس اُتے ایڈووکیٹ لطیف کھوسہ نے دسیا کہ اجے معلومات فراہم نہیں کیتی گئی۔سرکاری وکیل نے عدالت نوں دسیا کہ میٹنگ ہوئی اے لیکن ا جے سائن نہیں ہوئے،2 توں3دن لگن گے، عدالت عالیہ نے حکم دتا کہ2 دن دا ویلا اے تُسی ساریاں مرحلے مکمل کر کے رپورٹ عدالت وچ جمع کروا ن۔بعد وچ عدالت نے بانی پی ٹی آئی عمران خان خلاف پنجاب حکومت ولوں سنگین نوعیت دے مقدمے بنان دے فیصلے خلاف درخواست اُتے ہور سماعت 27 جون تک ملتوی کر دتی۔