پی ٹی آئی کارکناں خلاف ایم پی او آرڈر دی تفصیل لہور ہائیکورٹ وچ جمع

لہور( پنجابی میڈیا)پاکستان تحریک انصاف دے کارکناں دے خلاف9مئی 2023 توں لے کے ہُن تک جاری کیتے گئے ایم پی او آرڈرز دی تفصیل لہور ہائیکورٹ وچ جمع کرا دتی گئی۔چیف سیکرٹری پنجاب زاہد اختر زمان نے ایم پی اوآرڈرز دی مکمل تفصیل عدالت وچ پیش کر دین۔رپورٹ مطابق 9 مئی 2023 دے بعدوں ہُن تک 4 ہزار 770 افراد نوں ایم پی او آرڈر تحت نظر بند کیتا گیا، پی ٹی آئی کارکناں سنے ہوراں دے خلاف 3 ہزار 532 ایم پی او آرڈر جاری کیتے گئے۔رپورٹ وچ دسیا گیا کہ راولپنڈی، گوجرانوالہ تے لہور وچ سب توں وَدھ ایم پی او آرڈرز جاری کیتے گئے، ملتان، لہور تے راولپنڈی وچ سب توں وَدھ افرادنوں ایم پی او آرڈر تحت گرفتار کیتا گیا۔