وزیراعلی پنجاب داساریاں ڈویژناں وچ ’’دَستک‘‘ایپ سروسز شروع کرن داحکم

لہور( پنجا بی میڈیا)وزیراعلی پنجاب مریم نواز نے ساریاں ڈویژناں وچ’’مریم دی دستک‘‘ایپلی کیشن دی 65 سروساں شروع کرن دا حکم دے دتا۔وزیر اعلی پنجاب مریم نواز دی زیر صدارت اجلاس ہویا جس وچ دستک پراجیکٹ وچ توسیع دی منظوری د تی گئی، چیئرمین پنجاب انفارمیشن ٹیکنالوجی بورڈ نے ’’مریم دی دستک‘‘پراجیکٹ وچ توسیع اُتے بریفنگ دتی۔دوران اجلاس بریفنگ وچ دسیا گیا کہ ڈومیسائل، ای سٹیمپنگ، برتھ، ڈیتھ، میرج سرٹیفکیٹس سروسز دستک ایپ ذریعے حاصل کیتی جاسکدی اے، پراپرٹی ٹیکس، ٹوکن ٹیکس، موٹر وہیکل ٹرانسفر تے نویں گڈی دی رجسٹریشن دی سہولت وی دستک ایپ توں حاصل کیتی جاسکدی اے۔بریفنگ وچ ہور دسیا گیا کہ شہری’’مریم دی دستک‘‘ اُتے ویب پورٹل، موبائل ایپ یا کال سنٹر 1202 ذریعے سروس لئی اپلائی کر سکدے نیں۔