اسلام آباد ہائیکورٹ نے آزاد کشمیر دے لاپتہ شہری بارے درخواست نمٹا دتی

اسلام آباد( بیورورپورٹ)اسلام آباد ہائیکورٹ نے آزاد کشمیر دے لاپتہ شہری بارے درخواست نمٹا دتی۔اسلام آباد ہائی کورٹ دے جسٹس محسن اختر کیانی نے آزاد کشمیر دے لاپتہ شہری خورشید احمد دی بازیابی لئی دائر درخواست اُتے سماعت کیتی، وزارت دفاع دے ڈائریکٹر لیگل عدالت سامنے پیش ہوئے۔دوران سماعت ایڈیشنل اٹارنی جنرل منور اقبال دوگل نے عدالت نوں دسیا کہ جاسوسی دے الزام وچ خورشید احمد ملٹری دی حراست وچ نیں جس اُتے جسٹس محسن اختر کیانی نے ریمارکس د تے کہ چلو بندے دا پتہ تاں چل گیا۔عدالت نے درخواست گزار دے وکیل نوں ہدایت کیتی کہ تُسی قنون مطابق متعلقہ فورم نال رجوع کر سکدے او۔ عدالت نے آکھیا سی کہ آئی ایس آئی، ایم آئی تے ایف آئی اے توں معلوم کر کے سیکرٹری رپورٹ جمع کران۔اسلام آباد ہائیکورٹ نے حکم دتا سی کہ سیکرٹری دفاع ، راولپنڈی، اسلام آباد تے آزاد کشمیر دے سیکٹر کمانڈرز توں رپورٹ لے کے آگاہ کرن۔