ڈرگ مافیا خلاف بھرپور کارروائیاں جاری رکھاں گے،محسن نقوی

اسلام آباد(بیورورپورٹ)وفاقی وزیر داخلہ محسن نقوی نے آکھیا اے کہ ڈرگ مافیا خلاف بھرپور کارروائیاں جاری رکھیاں جان گی۔وزیر داخلہ محسن نقوی نے پنجگور وچ فائرنگ نال اے این ایف کانسٹیبل محمد افضال دی شہادت اُتے افسوس کردیاں ہویاں شہید کانسٹیبل دے اہل خانہ نال تعزیت و دلی ہمدردی کیتی۔اونہاں نے فائرنگ دے نتیجے وچ زخمی ہون والے سپاہی محمد شاہد دی وی چھیتی صحت یابی لئی دعا کیتی تے زخمی سپاہی نوں علاج معالجے دی بہترین سہولتاں فراہم کرن دی ہدایت کیتی۔وزیر داخلہ محسن نقوی دا کہنا سی کہ منشیات ختم کرن دے مشن وچ جان قربان کرن والے قوم دے ہیرو نیں، فائرنگ وچ ملوث عناصر نوں کیفر کردار تک پہنچاواں گے، ڈرگ مافیا دے خلاف بھرپور کارروائیاں جاری رکھیاں جان گیاں۔