9مئی مقدمے:شاہ محمود،یاسمین راشد تے ہوراں دی درخواست ضمانت اُتے سماعت ملتوی

لہور( پنجابی میڈیا)پاکستان تحریک انصاف دے رہنما شاہ محمود قریشی، ڈاکٹر یاسمین راشد تے ہوراں خلاف 9 مئی دے مقدمیاں دی سماعت ملتوی ہوگئی۔انسداد دہشتگردی عدالت وچ سانحہ9مئی دے مقدمیاں وچ پی ٹی آئی رہنما شاہ محمود قریشی، عمر سرفراز چیمہ، اعجاز چودھری، یاسمین راشد تے محمود الرشید دی ضمانتاں اُتے سماعت ہوئی،اے ٹی سی دے جج ارشد جاوید دے رخصت اُتے ہون پاروں ڈیوٹی جج نے سماعت کیتی۔عدالت نے پراسیکیوشن نوں ملزماں دی ضمانتاں اُتے دلائل مکمل کرن دی ہدایت کر دیاں ہویاں کیس دی ہور سماعت 3 جولائی تک ملتوی کردتی۔واضح رہے کہ ملزماں دے خلاف تھانہ گلبرگ، نصیر آباد تے ماڈل ٹاون وچ مقدے درج نیں جدکہ ملزماں نے جیل توں اپنے وکیلاں دی وساطت نال ضمانت دی درخواستاں دائر کر رکھیاں نیں۔