چینی ورکراںنوں فوج براہ راست سکیورٹی دیوے گی،احسن اقبال

لہور(پنجابی میڈیا)وفاقی وزیر برائے منصوبہ بندی احسن اقبال نے آکھیا اے کہ سکیورٹی بارے ہرممکن اقدام کر رہے ہاں، چینی ورکراں نوں فوج براہ راست سکیورٹی دیوے گی۔احسن اقبال نے آکھیا کہ حالیہ اَت گردی دے واقعات دا مقصد سی پیک دے رستے وچ رخنہ پانا اے، چین نے آکھیا ایسے واقعات ساڈھے تعلقات وگاڑ نہیں سکدے، چین دا نقصان ساڈھااپنا نقصان اے، چینی قیادت نوں وی معلوم اے غیر ملکی عناصر واقعات وچ ملوث نیں۔وفاقی وزیر احسن اقبال نے ہورآکھیا اے کہ حالیہ اَت گردی واقعے دی تحقیقات دی پیشرفت نال چینی قیادت نوں آگاہ کیتا اے، سوات وچ غیر ملکی فرم ہوٹل بنانا چاہندی سی لیکن مدین واقعہ ویکھ کے چلی گئی، جڑانوالہ، سیالکوٹ، سرگودھا وچ وی ایس طرح دے واقعات ہو چکے نیں۔