قائم مقام چیف جسٹس لہور ہائیکورٹ دا پروٹوکول لین توں انکار
لہور(پنجابی میڈیا)قائم مقام چیف جسٹس لہور ہائیکورٹ جسٹس شجاعت علی خان نے پروٹوکول لین توں انکار کر دتا۔قائم مقام چیف جسٹس شجاعت علی پروٹوکول دے بغیر لہور ہائیکورٹ پہنچے، جسٹس شجاعت علی خان نے گارڈ آف آنر لین توں وی انکار کردتا۔لہور ہائیکورٹ آمد دے موقع اُتے میڈیا نال غیر رسمی گل بات کر دیاں ہو یاں قائم مقام چیف جسٹس لہور ہائیکورٹ جسٹس شجاعت علی خان دا کہنا سی کہ سائلین نوں ویلے اُتے انصاف ہرصورت فراہم بناواں گے۔اونہاں دا ہور کہنا سی کہ سپریم کورٹ دے جسٹس سید منصور علی شاہ دے ویژن مطابق جدید ٹیکنالوجی توں فائدہ چکاں گے، سپریم کورٹ دے سینئر ترین جج جسٹس سید منصور علی شاہ دے ویژن دے مطابق اگے ودھاں گے۔
