ساڈھے لوگاںنوں رہائی نہ ملن تک احتجاج جاری رہے گا،برسٹرگوہر

اسلام آباد(بیورورپورٹ)چئیرمین پی ٹی آئی بیرسٹر گوہر نے آکھیا کہ جدوں انصاف ویلے اُتے نہ ہوئے تے دیر نال ملے تے ایہ وی ناانصافی اے، ریحانہ ڈار دی جگہ فارم47والیاں نوں بٹھا دتا گیا، عمران خان دی رہائی دا فی الفور مطالبہ کر دے ہاں، رہا ہون دے بعد ساڈھیاں عورتاں نوںدوبارہ گرفتار کرنا انسانی حقوق دی خلاف ورزی اے۔بیرسٹر گوہر نے آکھیا کہ اج بجٹ دے اسپیشل سیشن وچ پارلیمنٹ توں لے کے الیکشن کمیشن تک واک کیتی، خان صاحب تے بشری بی بی سنے ساڈھیاں بہناں دی رہائی لئی واک کیتی گئی، ساڈھیاں بہناں نوں اک وار رہائی دے بعد دوبارہ توں گرفتار کرنا انسانی حقوق دی خلاف ورزی اے، احتجاج اوہدوں تک جاری رہے گا جدوں تک ساڈھے لو کاں نوںرہائی نہیں ملدی۔اونہاں دا کہنا سی کہ ایہ صرف180پارلیمنٹرینز دی واک نہیں 3 کروڑ ووٹراں دی واک اے، عوام دے حقوق دا تحفظ کر دیاں ہو یاں اسیں فوجی آپریشن دی مخالفت کیتی، کوئی وی فیصلہ ہوئے اوس مسئلے نوں ایوان وچ لیایا جائے، حکومت ہچکچاہٹ دا شکار اے ایہ ملک استحکام لئی آپریشن دامتحمل نہیں ہوسکدا، استحکام لئی ایس ایوان وچ اونہاں لوکاں نوں ہونا چا ہیدا جنہاں دا حق اے۔