فتنہ پارٹی نوں پنجاب اسمبلی دے گیٹ اُتے ہلڑ بازی کر دیاں شرم آنی چا ہیدی،عظمی بخاری

لہور(پنجابی میڈیا)صوبائی وزیراطلاعات ورہنما مسلم لیگ ن عظمی بخاری نے آکھیااے کہ فتنہ پارٹی دے ارکاناں نوں پنجاب اسمبلی دے گیٹ اُتے ہُلڑ بازی کر دیاں شرم آنی چا ہیدی اے۔سنی اتحاد کونسل ولوں پنجاب اسمبلی دے باہر علامتی اجلاس منعقد کیتے جان اُتے ردعمل دیندیاں ہو یاں عظمی بخاری دا کہنا سی کہ احتجاج کرن لئی پورے پنجاب توں عہدیدار تے ہارے ہوئے لوگ اکٹھے کیتے گئے نیں، اونہاں دے اپنے اسمبلی ممبر اونہاںدے نال نہیں،فتنہ فساد پارٹی ایہی کرسکدی اے۔اونہاں نے آکھیا کہ ایہ تحریک انصاف دے ارکان نہیں9مئی دے اَت گرد نیں،4مہینے توں ایہی ڈرامے بازی تے لُچڑ پن ایوان اندر کیتا جا رہیا اے، ایوان اندر بیہودہ نعرے بازی تے گالم گلوچ کرن والے اوہی کجھ اج اسمبلی گیٹ اُتے کررہے نیں۔