عدت نکاح کیس: بشری بی بی دے وکیل نے التوا خلاف درخواست دائرکردتی

اسلام آباد(بیورورپورٹ)اسلام آباد دی ڈسٹرکٹ اینڈ سیشن عدالت وچ سابق وزیر اعظم عمران خان تے اونہاںدی گھرو الی بشری بی بی دی عدت نکاح کیس وچ سزا خلاف مرکزی اپیلاں اُتے سماعت دوران بشری بی بی دے وکیل نے التوا خلاف درخواست دائرکردتی ۔اپیلاں اُتے سماعت ایڈیشنل سیشن جج افضل مجوکا نے کیتی، بشری بی بی دے وکیل سلمان صفدر، عثمان گل تے خالد یوسف چودھری عدالت وچ پیش ہوئے۔اج سماعت دوران وکیل سلمان صفدر نے دلائل دتے کہ سلمان اکرم راجا ایڈووکیٹ عدت دے دورانیے اُتے اپنے دلائل دے چکے ، میں عدت دے دورانیے بارے سلمان اکرم راجا ایڈووکیٹ دے دلائل اپناندا ہاں۔ایس موقع اُتے خاور مانیکا دے وکیل زاہد آصف دے معاون وکیل نے عدالت سامنے پیش ہُندیاں ہویاں، وکیل ولوں سماعت ملتوی کرن دی درخواست دائر کردتی، اونہاں نے استدعا کیتی محرم الحرام نوں ویکھدیاں ہو یاں کیس دی سماعت ملتوی کیتی جائے۔جج افضل مجوکا نے ریمارکس د تے کہ کل دی بجائے پرسوں رکھ لیندے ہاں سماعت ، مینوں اگر اسلام آباد ہائی کورٹ آکھے اجے 3 وجے فیصلہ کرنا اے میں فیصلہ سناواں گا ، میں اسلام آباد ہائی کورٹ دے شیڈول دا پابند ہاں ایس وچ تبدیلی ہوئی ٹھیک، ورنہ میں فیصلہ کراں گا، عدالت نے کیس دی سماعت کل دن11 وجے تک ملتوی کر دتی۔واضح رہے کہ 3 جولائی نوں اسلام آباد دی ڈسٹرکٹ اینڈ سیشن عدالت نے سابق وزیر اعظم عمران خان تے اونہاں دی گھر والی بشری بی بی دی دوران عدت نکاح کیس وچ سزا خلاف مرکزی اپیلاں اُتے سماعت 8 جولائی ملتوی کر دیاں ہو یاں جج افضل مجوکا نے ریمارکس د تے کہ 12 جولائی تک ہر حال وچ فیصلہ سنانا اے۔