عدالت شہید بھٹونوںدتی جان والی سزا نوں وی کالعدم قراردیوے،شازیہ مری

کراچی(بیورورپورٹ)رہنما پاکستان پیپلزپارٹی شازیہ مری نے آکھیا اے کہ سپریم کورٹ دے تفصیلی فیصلے دا خیرمقدم کرسے ہاں، سپریم کورٹ شہید بھٹونوںدتی جان والی سزا نوں وی کالعدم قرارد یوے۔کراچی وچ پریس کانفرنس کر دیاں ہو یاں شازیہ مری دا کہنا سی کہ بھٹونے حق تے سچ خاطرجان دتی،شہید بھٹونوںانصاف دلان وچ40ورھے لنگ گئے، شہید بھٹو دے عدالتی قتل اُتے انصاف منگن لئی صدارتی ریفرنس گھلیا گیا سی۔اونہاں نے آکھیا کہ سپریم کورٹ دا تفصیلی آرڈر 48صفحیاں اُتے مشتمل اے،جنرل(ر)ضیا الحق نے پاکستان دے آئین دی خلاف ورزی کیتی،شہید ذوالفقارعلی بھٹونے جمہوریت لئی جان دتی، شہید بھٹونے اوس ویلے آکھیا سی کہ ایہ مینوںمارنا چاہندے نیں۔