سلمان اکرم راجہ نے عدالت وچ عورت ورکراں دی ترجمانی کیتی:کنول شوذب

لہور(پنجابی میڈیا)رہنما تحریک انصاف کنول شوذب نے آکھیا کہ اللہ کرے ریزرو سیٹاں دا فیصلہ ٹھیک آئے، سلمان اکرم راجہ نے اعلی عدالت وچ عوام دی آواز پہنچائی، سلمان اکرم راجہ نے ساریاں پارٹی ورکر عورتاں دی ترجمانی کیتی،امید اے کہ عورتاں دی نشستاں اونہاںنوں ملن گیاں۔اونہاں نے ہورآکھیا کہ اج سینیٹ وی نامکمل اے، سینیٹ دے الیکشن ان ریزرو سیٹاں پاروںاج تک کے پی وچ نہیں ہوئے، ساہنوں سپریم کورٹ دے 13ججاں توں بوہت امید اے۔اونہاں دا کہنا سی کہ پی ٹی آئی نے سخت حالات وچ دسمبر وچ اپنے ساریاں امیدوارواں دے کاغذات نامزدگی جمع کروائے، پاکستان دے 859 حلقیاں وچ اسیں828 نوں ٹکٹ دتے، عورتاں لئی وی ترجیحی لسٹ جاری کیتی گئی سی، اونہاں نوں آکھیا گیا سی کہ کاغذات فائل کرن، اوس دی سکروٹنی وی ہونی مگر بد نیتی اُتے الیکشن کمیشن نے عورتاں دی سکروٹنی 29 تریخ تک نہیں کیتی۔