مریم نوازسرسبز و شاداب پنجاب لئی پر عزم نیں،مریم اورنگزیب

لہور(پنجابی میڈیا)سینئر صوبائی وزیر مریم اورنگزیب نے آکھیا اے کہ وزیراعلی پنجاب مریم نواز سر سبز و شاداب پنجاب لئی پر عزم نیں۔صوبائی وزیر دی ہدایت اُتے محکمہ جنگلات دا سرکاری رقبے نوں غیر قنونی قبضہ مافیاں توں چھڑان لئی آپریشن جاری اے۔مریم اورنگزیب دا کہنا اے کہ ضلع سیالکوٹ دے موضع ٹھکر کے وچ بااثر افراد دے زیر قبضہ تقریبا 34 ایکڑ رقبہ واگزار کروا لیا، محکمہ جنگلات نے عدالتی کارروائی وچ اپنے کیس دادفاع کیتا تے کیس دا فیصلہ اپنے حق وچ کرایا۔اونہاں نے آکھیا کہ واگزار کرائے گئے رقبے اُتے محکمہ جنگلات نے فوری طور اُتے40656 پودیاں دی شجر کاری مکمل کر لئی اے، ایہ رقبہ مستقبل وچ سموگ گھٹ ہون پاروں خوبصورت و مفید جنگل دی شکل اختیار کرے گا۔مریم اورنگریب داکہنا اے کہ محکمہ جنگلات نے موقع اُتے اپنی چیک پوسٹ ودفتروی قائم کر لیا اے۔