کیس سنی اتحاد کونسل دا سی،ریلیف تحریک’’فساد‘‘ نوں لاڈلے دی جے ہوئے، عظمی بخاری

لہور(پنجابی میڈیا)صوبائی وزیر اطلاعات و رہنما مسلم لیگ ن عظمی بخاری نے سنی اتحاد کونسل دی مخصوص نشستاں بارے کیس دے فیصلے اُتے ردعمل دے د تا۔اپنے اک طنزیہ بیان وچ لیگی رہنما عظمی بخاری دا کہنا سی کہ مبارک ہوئے، ذاتی پسند، بچپن دی محبت تے کرش جت گیا، آئین وقنون تے ادارے سب دا کیہ اے؟ اپنے لاڈلے لئی سب جُتی دی نوک اُتے ہی چنگے لگدے نیں۔اونہاں نے ہورآکھیا کہ لاڈلے دی جے ہوئے، سارا ملک اینہاں اَت گرداںدی ڈکٹیشن تے فسادیاں دے حوالے کر دیو، اتفاقاََ کیس سنی اتحاد کونسل دا سی، ریلیف تحریک فسادنوں، ہیرے جناب ہیرے۔واضح رہے کہ سپریم کورٹ آف پاکستان نے پشور ہائیکورٹ دا فیصلہ تے الیکشن کمیشن داحکم کالعدم قرار دیندیاں مخصوص نشستاں پاکستان تحریک انصاف نوں دین دا حکم د تا اے۔