سپریم کورٹ دی دیواراں اُتے گندے کپڑے لٹکان والے ساہنوں لیکچر نہ دین،عظمی بخاری

لہور(پنجابی میڈیا)وزیراطلاعات پنجاب عظمی بخاری نے آکھیا اے کہ سپریم کورٹ دی دیواراں اُتے گندے کپڑے لٹکان والے ساہنوں لیکچرنہ دین۔بیرسٹر سیف دے بیان اُتے ردعمل دیدیاں ہو یاں عظمی بخاری دا کہنا سی کہ126دن دے دھرنے دوران پارلیمنٹ، سپریم کورٹ تے پی ٹی وی اُتے حملہ کرن والی جماعت نوں وی عدلیہ دی تکریم یاد آگئی۔اونہاں نے آکھیا کہ علی مین گنڈاپور نوں وفاق دی نہیں اپنی حکومت دی فکر کرنی چاہیدی، تہاڈے لیڈر تے اونہاں دی گھر والی قیمتی تحفے چوری کرن دے الزام وچ گرفتارنیں اسیں اونہاں نوں نہیں آکھیا سی گراف دی گھڑیاں، ہیرے دے نیکلس چوری کرن، قیمتی گھڑیاں تے نیکلس قوم دی ملکیت نیں کسی دے باپ دادا دی ملکیت نہیں سن۔