سموگ دے مستقل سدباب لئی اقدام کرنا ہون گے،مریم نواز

لہور(پنجابی میڈیا)پنجاب وچ چیف منسٹر کلائمیٹ لیڈرشپ ڈویلپمنٹ انٹرن شپ پروگرام شروع کردتا گیا۔ میرا پنجاب سموگ فری مہم تحت وزیراعلی پنجاب مریم نواز شریف دی ہدایت اُتے محولیات دی بہتری لئی پائیدار اقدام کر دیاں ہو یاں پنجاب وچ چیف منسٹر کلائمیٹ لیڈرشپ ڈویلپمنٹ انٹرن شپ پروگرام شروع کیتا گیا اے۔وزیراعلی پنجاب مریم نواز دا کہنا اے کہ سموگ دے مستقل سدباب لئی مل جل کے اقدام کرنا ہون گے، سموگ فری پنجاب انیشی ایٹو تحت ینگ گریجوایٹس کمیونٹی سروس دی منفرد خدمتاں سر انجام دین گے، پچھلے2ورھیاں وچ اپنی ڈگری مکمل کرن والے گریجوایٹ اپلائی کر سکدے نیں۔اونہاں نے آکھیا کہ چیف منسٹر پنجاب کلائمیٹ لیڈرشپ ڈویلپمنٹ انٹرن شپ پروگرام تحت انٹریاں نوں ماہانہ 25 ہزار سکالر شپ د تا جائے گا، پروگرام کمیونٹی سروس تے محولیاتی تحفظ لئی پلیٹ فارم فراہم کر دااے۔