پنجاب دے ہر نوجوان نوںہنرمند بنانا ساڈھا ویژن اے،مریم نواز

لہور( پنجابی میڈیا)وزیراعلی پنجاب مریم نواز نے آکھیا اے کہ پنجاب دے ہرنوجوان نوں معاشی خود مختاری لئی ہنر مند بناناساڈھا ویژن اے۔ورلڈ یوتھ سکلز ڈے دے موقع اُتے اپنے اک پیغام وچ وزیراعلی پنجاب مریم نواز داکہنا سی کہ ورلڈ یوتھ سکلز ڈے پائیدار مستقبل دی تعمیر وچ نوجواناں دے اہم کردار نوں سمجھن دادن اے، ہنر مند نوجوان ہی ساڈھی سرمایہ کاری تے اثاثہ نیں۔اونہاں نے آکھیا کہ نوجواناںنوں تیزی نال بدلدی ہوئی دنیا وچ ترقی لئی درکار مہارتاں توں روشناس کرانا چاہیدا اے، پنجاب حکومت اپنے نوجواناں نوں پیشہ ورانہ تربیت دے مواقع فراہم کرن لئی پرعزم اے۔مریم نواز دا کہنا سی کہ عالمی جاب مارکیٹ وچ مسابقت لئی نوجواناں لئی انفارمیشن اینڈکمیونیکیشن ٹیکنالوجی ناگزیر اے، چیف منسٹر سکلزڈویلپمنٹ انیشی ایٹو دے تحت ٹیوٹا کورسز لئی طلبہ دی تعداد بتدریج 40 ہزار تک کراں گے۔اونہاں نے ہور آکھیا کہ طلبہ لئی انفارمیشن ٹیکنالوجی وچ مڈل ٹیک، میٹرک ٹیک تے انٹرمیڈیٹ ٹیک متعارف کرا رہے نیں، پنجاب دے ہر نوجوان نوں معاشی خود مختاری لئی ہنر مند بنانا ساڈھاویژن اے۔