عدالت دی صنم جاوید نوں گھر جان دی اجازت، پلس نوں جمعرات تک گرفتاری توں روک دتا

اسلام آباد(بیورورپورٹ)اسلام آباد ہائیکورٹ نے پی ٹی آئی کارکن صنم جاوید نوں گھر جان دی اجازت دیندیاں ہویاں اسلام آباد پلس نوں جمعرات تک اونہاںنوں گرفتار کرن توں روک دتا۔اسلام آباد ہائیکورٹ وچ بیٹی دی رہائی لئی صنم جاوید دے والد دی درخواست اُتے سماعت ہوئی، جسٹس میاں گل حسن اورنگزیب نے سماعت کیتی، صنم جاوید دے والد دے وکیل بیرسٹر میاں علی اشفاق عدالت سامنے پیش ہوئے۔ایس موقع اُتے صنم جاوید وی کمرہ عدالت وچ موجود سن، آئی جی اسلام آباد علی ناصر رضوی، ایف آئی اے حکام تے بلوچستان پلس دے اہلکار وی کمرہ عدالت وچ موجود سن۔وکیل میاں علی اشفاق نے آکھیا کہ صنم جاوید نے آکھیا اے کہ بار بار اسلام آباد پلس توں پچھیا، اسلام آباد پلس دی کوئی ایف آئی آر نہیں، جس اُتے جسٹس میاں گل حسن اورنگزیب نے استفسار کیتا کہ کیا اوہ حراست وچ لی گئی سی؟ ایس اُتے وکیل علی اشفاق نے آکھیا جی میرے آفس دے باہروں اونہاں نوں حراست لیا گیا سی۔عدالت نے صنم جاویدخلاف اک سال دا مکمل ریکارڈ پیش کرن دا حکم دیندیاں ہو یاں پلس نوں صنم جاوید دی جمعرات تک گرفتاری توں روک دتا، عدالت نے صنم جاوید نوں گھر جان دی اجازت دتی تے آکھیا کہ صنم جاوید ایس دوران اک وی لفظ بولیاں تے عدالت اپنا آرڈر واپس لے لئے گی۔جسٹس میاں گل حسن اورنگزیب نے وکیل میاں علی اشفاق نوں ہدایت کیتی کہ صنم جاوید گھر جائے تے خموش رہے، جمعرات تک صنم جاوید اسلام آباد دے دائرہ اختیار توں باہر نہ جائے۔