اسلام آباد ہائیکورٹ نے صنم جاوید دی گرفتاری غیر قنونی قرار دے کے درخواست نمٹا دتی

اسلام آباد(بیورورپورٹ)اسلام آباد ہائیکورٹ نے صنم جاوید دی گرفتاری غیرقنونی قرار دے کے رہائی دی درخواست نمٹا دتی۔اسلام آباد ہائیکورٹ دے جسٹس حسن اورنگزیب نے صنم جاوید دی گرفتاری بارے درخواست اُتے سماعت کیتی، دوران سماعت اٹارنی جنرل تے صنم جاوید ولوں میاں اشفاق ایڈووکیٹ عدالت وچ پیش ہوئے۔اٹارنی جنرل نے دوران سماعت دلائل دیندیاں ہو یاں آکھیاکہ بلوچستان پلس صنم جاوید دی راہداری ریمانڈ دی استدعا نہیں کر رہی اے، صنم جاوید ہن آزاد نیں اپنے صوبے وچ جا سکدیاں نیں۔اپنے دلائل وچ اٹارٹی جنرل دا ہور کہنا سی کہ میں انٹرنیٹ اُتے ویکھیا کہ صنم جاوید بوہت نامناسب زبان استعمال کر دیاں نیں۔جسٹس حسن اورنگزیب نے دلائل سنن دے بعد صنم جاوید دے وکیل میاں اشفاق توں استفسار کیتا کہ کیا تُسی گارنٹی د یندے او کہ صنم جاوید ہور نامناسب گل بات نہیں کرے گی؟، میاں اشفاق نے عدالت نوں یقین دہانی کرائی دے صنم جاوید آئندہ نامناسب الفاظ استعمال نہیں کرے گی۔بعد وچ عدالت سے دلائل سنن دے بعد صنم جاوید دی گرفتاری غیرقنونی قرار دے کر رہائی دی درخواست نمٹا دتی۔