9مئی دے جنہاں اَت گرداںنوں جیل وچ ہونا چا ہیدا اوہ اسمبلی گیٹ اُتے ہُلڑ بازی کر رہے نیں،عظمی بخاری

لہور(پنجابی میڈیا)وزیراطلاعات پنجاب عظمی بخاری نے آکھیا اے کہ ساہنوں پنجاب دی تریخ دی نالائق ترین تے نکمی اپوزیشن ملی اے، خود ہی اجلاس بلان لئی ریکوزیشن جمع کرا ندے نیں، خود ہی اسمبلی دے گیٹ اُتے تماشا لاندے نیں۔اپنے بیان وچ عظمی بخاری نے آکھیا کہ اگر اسمبلی دے گیٹ اُتے تماشا ہی لانا سی تے اجلاس اُتے عوام دے ٹیکس دا پیسہ کیوں خرچ کروایا؟ اپوزیشن دی ریکوزیشن دے اجلاس دا بائیکاٹ کرن والی ایہ دنیا دی پہلی نالائق ترین اپوزیشن اے۔وزیر اطلاعات پنجاب نے آکھیا کہ 9 مئی دے جنہاں اَت گرداں نوں جیل وچ ہونا چا ہیدا اے اوہ اسمبلی دے گیٹ اُتے ہُلڑ بازی تے دشنام طرازی کر رہے نیں، ایس فسادی ٹولے دا ایجنڈا ملک وچ فساد پھیلانا اے۔