سرکاری محکمیاں دی مانیٹرنگ لئی ٹیکنالوجی اُتے انحصار ودھایا جائے:مریم نواز

لہور(پنجابی میڈیا)وزیراعلی پنجاب مریم نواز شریف نے آکھیا اے کہ سرکاری محکمیاں دی مانیٹرنگ بہتر بنان لئی ٹیکنالوجی اُتے انحصار ودھایا جائے۔وزیراعلی پنجاب مریم نواز شریف نال چیئرپرسن چیف منسٹر ڈائریکٹوریٹ آف ایویلیوایشن، فیڈ بیک، انسپیکشن اینڈ مانیٹرنگ بریگیڈیئر(ر)بابر علائوالدین نے ملاقات کیتی، مریم نواز نے بریگیڈیئر(ر)بابر علائوالدین نوں عہدہ سنبھالن اُتے مبارکباد دتی تے نیک خواہشاں ظاہرکیتیاںایس موقع اُتے انتظامی سطح اُتے گورننس، شفافیت لئی تجویزاں تے سفارشاں اُتے تبادلہ خیال کیتا گیا جدکہ حکومتی فیصلیاں تے پالیسی سازی وچ عوامی رائے نوں شامل کرن دے طریقہ کار اُتے وی گل بات ہوئی۔وزیر اعلی مریم نوازنے پبلک سروس توں متعلقہ سرکاری محکمیاں دی مانیٹرنگ بہتر بنان لئی ٹیکنالوجی اُتے انحصار ودھان دی ہدایت کیتی جدکہ انتظامیہ تے پلس لئی جدید ترین ٹریننگ میکنزم تشکیل دین دا وی حکم د تا۔مریم نواز نے ایس موقع اُتے گل بات کر دیاں ہو یاں آکھیا اے کہ پرفارمنس انڈیکس دے قیام نال افسراں وچ احساس ذمہ داری دا ودھا ہو یا اے، پرفارمنس انڈیکس دی سخت مانیٹرنگ کیتی جائے،گڈ گورننس یقینی بنان لئی ڈیفم کردار نہایت اہم اے۔