بالآخر9مئی دے ماسٹر مائنڈ نے منصوبہ سازی دااعتراف کر لیا،مریم نواز

لہور(پنجابی میڈیا)وزیراعلی پنجاب مریم نواز نے آکھیا اے کہ بالآخر9مئی دے ماسٹر مائنڈ نے منصوبہ سازی دا اعتراف کر لیا اے۔اپنے اک بیان وچ وزیراعلی مریم نواز دا کہنا سی کہ 9 مئی دے مجرم نے منصوبہ سازی تے سہولت کاری دا اعتراف کیتا اے،ایہ جماعت نہیں انتشاری ٹولہ اے جس دا مقصد صرف تے صرف شرپسندی ذریعے ریاست نوں نقصان پہنچانا اے۔اونہاں نے آکھیا کہ زمان پارک اََت گرداں دا تربیتی ہیڈ کوارٹر بنا رہیا، پٹرول بم بنان تے ریاست اُتے حملے دی تربیت دتی جاندی رہی، 4 مہینے لَت اُتے پلستر بنھن دے ڈرامے دوران 9 مئی دی منصوبہ بندی کیتی گئی۔مریم نواز دا کہنا سی کہ ایہ کیسا پُرامن احتجاج سی جس وچ200 توں وَدھ فوجی تنصیبات اُتے حملے ہوئے، ایئرفورس دے طیاریاں نوں اگ لائی گئی، کور کمانڈر ہائوسز ساڑھے گئے، شہیداںدی یادگاراں دی توہین کیتی گئی۔