عظمی بخاری نوں مبینہ نازیبا ویڈیو دے معاملے اُتے ایف آئی اے نال رجوع کرن داحکم

لہور(پنجابی میڈیا)لہور ہائیکورٹ نے مبینہ نازیبا ویڈیو دے معاملے اُتے لیگی رہنما عظمی بخاری نوں ایف آئی اے نال رجوع دا حکم دے دتا۔چیف جسٹس لہور ہائیکورٹ مس عالیہ نیلم نے عظمی بخاری دی درخواست اُتے سماعت کیتی، درخواست وچ ایف آئی اے، وزارت داخلہ سنے ہوراں نوں فریق بنایا گیا اے۔درخواست گزار ولوں موقف اختیار کیتا گیا کہ فلک جاوید نامی خاتون نے درخواست گزار دی ٹوئٹر اُتے جعلی نازیبا ویڈیوز اپ لوڈ کیتی، پہلاں وی فلک جاوید مختلف ملک مخالف سرگرمیاں وچ ملوث اے۔درخواست وچ استدعا کیتی گئی کہ لہور ہائیکورٹ فلک جاوید دا ناں ای سی ایل وچ پان دا حکم دیوے، عدالت ایف آئی اے نوںمبینہ ویڈیو دی فوری تحقیقات دا حکم دے کے رپورٹ منگے ۔دوران سماعت چیف جسٹس لہور ہائیکورٹ مس عالیہ نیلم نے عظمی بخاری نوں ایف آئی اے نال رجوع کرن دی ہدایت کر دیاں ہو یاں آکھیا کہ تُسی سارے ثبوت ایف آئی اے نوں دیو۔