چین نے آئی ایم ایف د۷ نال معاہدے دی حمایت کیتی اے:وفاقی وزیر خزانہ

اسلام آباد: (بوہوروپورٹ)وفاقی وزیر خزانہ محمد اورنگزیب نے آکھیا اے کہ ساہنوں چین تے امریکا دوناں سے نا ل اگے چلنا اے، چین نے آئی ایم ایف سے نال معاہدے دی حمایت کیتی اے، آئی ایم ایف بورڈ دی منظوری وچ چین پاکستان دی حمایت کرے گا۔اسلام آباد وچ پریس کانفرنس کر دیاں ہو یاں محمد اورنگزیب دا کہنا سی کہ ملکی معیشت دی بہتری لئی اقدام کر رہے ہاں، اگر ٹیکس ودھانے نیں تے حکومت نوں وی عوام دنوں سہولتاں دینا ہون گیاں، مقامی سطح اتے ٹیکساںبارے گل بات چل رہی اے، کوشش کر رہے ہاں کہ چھوٹے طبقے اُتے ٹیکس دا بوجھ نہ پایا جائے۔اونہاں نے آکھیا کہ تاجر دوست سکیم متعارف کرائی اے، تاجراں لئی ٹیکسیشن دے عمل نوں انتہائی آسان کردتا اے، ٹیکس نادہندگان ملک تے عوام دے نال مخلص نہیں ،ٹیکس واجبات دی ادائیگی نال معیشت مضبوط ہوئے گی، تاجر تے سرمایہ کاراں نوں سہولتاں فراہم کرنا ترجیح اے۔