ہیپاٹائٹس روکن لئی فوری کم دی لوڑاے،وزیراعظم

اسلام آباد(بیورورپورٹ)وزیراعظم شہباز شریف نے آکھیا اے کہ ہیپاٹائٹس روکن، تشخیص تے علاج لئی فوری کم کرن دی لوڑ اے۔ہیپاٹائٹس توں آگاہی لئی عالمی دن اُتے شہبازشریف نے اپنے پیغام وچ آکھیاکہ ہیپاٹائٹس اک خموش بیماری اے جیہڑی دنیا بھر وچ لکھاں لوکاں نوں متاثر کردی اے، ایس بیماری نوں ختم تے صحت مند مستقبل نوں یقینی بنانا ضروری اے۔اونہاں نے آکھیا کہ عالمی سطح اُتے6 کروڑ ہیپاٹائٹس سی کیس وچوں1کروڑ متاثرہ کیسز پاکستان وچ نیں، خدشہ اے کہ اگر خاتمے لئی ضروری اقدام نہ کیتے تے اسیں جگر دے کینسر دی بیماری وی ویکھ سکدے نیں، بحیثیت قوم اسیں آگاہی مہم ، ویکسی نیشن ذریعے بیماری نال نپٹن وچ اہم پیش رفت کیتی۔