سکیورٹی فورسز دے افسراں دی صلاحیتاں دی دنیا تعریف کر دی اے،محسن نقوی

اسلام آباد(بیورورپورٹ)وفاقی وزیرداخلہ محسن نقوی نے ٹانک وچ اَت گرداں دے خلاف انٹیلی جنس بیسڈ کامیاب آپریشن اُتے سکیورٹی فورسز نوں خراج تحسین پیش کیتا۔اپنے اک بیان وچ محسن نقوی دا کہنا سی کہ سکیورٹی فورسز نے ہمیشہ ونگوں ٹانک وچ وی اَت گرداں دے ناپاک عزائم نوں خاک وچ ملایا۔ سکیورٹی فورسز نے سانجھے آپریشن وچ4 خارجی اَت گرداں نوں عبرتناک انجام تک پہنچایا،سکیورٹی فورسز بہادری دے نال اَت گرداں خلاف برسرپیکار نیں۔اونہاں نے ہورآکھیا کہ اَت گردی دے ناسور نوں ختم کرن لئی سکیورٹی فورسز دے افسراں تے جواناں سی پیشہ ورانہ مہارت تے صلاحیتاں دی دنیا تعریف کر دی اے ، ملک دی بقا لئی جنگ وچ قوم سکیورٹی فورسز دے نال کھڑی اے، سکیورٹی فورسز دے بہادر سپوت ساڈا سرمایہ افتخار نیں۔