جماعت اسلامی نال مذاکرات دے بعد ساریاں چیزاں توں آگاہ کیتا جائے گا،وزیر اطلاعات

راولپنڈی(بیورورپورٹ)وفاقی وزیر اطلاعات عطا اللہ تارڑ نے آکھیا اے کہ جماعت اسلامی دے رہنماواں سے نال مل بیٹھ کے گل بات کراں گے تے مذاکرات سے بعد ساریاں چیزاں توں آگاہ کیتا جائے گا۔کمشنر آفس پہنچن اُتے وفاقی وزیر اطلاعات نے میڈیا نال گل بات وچ آکھیا کہ جماعت اسلامی دے بجلی بارے معاملات نیں لیکن 200 یونٹ تک استعمال کرن والے بجلی دے صارفین نوں پہلاں ہی 50 ارب روپے دی سبسڈی دتی گئی اے۔عطا اللہ تارڑ نے آکھیا کہ حکومت سولر پراجیکٹس وی شروع کر رہی اے جدکہ ڈیزل تے تیل اُتے چلن والے پلانٹ بند کیتا جائے گا، سولر ٹیوب ویل لگن نال بجلی دی کھپت گھٹ ہوئے گی۔ اینہاں اقداماں دا مقصد سستی تے معیاری بجلی پیدا کر کے بجلی دی قیمت نوں گھٹ کرنا اے۔اونہاں نے آکھیا کہ ساڈے ولوں مذاکراتی ٹیم وچ کوئی تبدیلی نہیں کیتی گئی، اویس لغاری ملک وچ موجود نہیں، اوہ چین گئے ہوئے نیں۔