کے پی حکومت دا9مئی واقعے دی جوڈیشل انکوائری لئی پشور ہائیکورٹ نال رجوع

پشور(بیورورپورٹ)خیبرپختونخوا حکومت نے9 مئی دے واقعات دی جوڈیشل انکوائری لئی پشور ہائی کورٹ نال رجوع کر لیا۔یاد رہے کہ صوبائی کابینہ ولوں 9 مئی دے واقعات دی جوڈیشل انکوائری دی منظوری دتی گئی سی جس دے بعد خیبرپختونخوا حکومت نے چیف جسٹس پشور ہائیکورٹ توں جوڈیشل کمیشن بنان دی استدعا کیتی اے۔ایس حوالے نال وزیر قنون خیبر پختونخوا آفتاب عالم دا کہنا اے کہ جوڈیشل کمیشن لئی چیف جسٹس پشور ہائی کورٹ نوںخط گھل دتا اے، خط وچ 9 مئی واقعے بارے جوڈیشل کمیشن دے قیام دی استدعا کیتی گئی اے۔اونہاں نے آکھیا کہ چیف جسٹس پشور ہائیکورٹ ہُن کمیشن لئی ناماں دا اعلان کراں گے تے جوڈیشل کمیشن دے سربراہ پشور ہائیکورٹ دے جج ہون گے۔