مسلم لیگ (ن) دے لائے گئے بجلی پلانٹ سارے مسائل دی وجہ نیں،فواد چوہدری

اسلام آباد (بیورورپورٹ)سابق وفاقی وزیر فواد چوہدری نے آکھیا اے کہ پاکستان مسلم لیگ (ن) ولوں 2015 دے لائے گئے بجلی پلانٹ سارے مسئلے دی وجہ نیں۔مائیکربلاگنگ ویب سائٹ ایکس اُتے صحافی رائے شعیب کھرل نے اک ٹوئٹ کیتی جس وچ اونہاں نے لکھیا کہ جماعت اسلامی دے مطالبات، پاکستانیاں دے مطالبات نیں تے اوس لئی ساہنوں جماعت دے ہتھ مضبوط کرنے چا ہیدے نیں۔اونہاں نے آکھیا کہ جماعت اسلامی نوں وی چا ہیدا کہ جد دھرنا مہنگی بجلی تے آئی پی پیز دے خلاف دتا اے تے فوکس وی اوسی اُتے ہی رکھن ۔ایس پوسٹ دے ردعمل وچ سابق وفاقی وزیر فواد چوہدری نے لکھیا کہ مسلم لیگ (ن) دے 2015 وچ لائے گئے بجلی پلانٹ مسائل دی وجہ نیں، لیکن ایہ مطالبہ کہ اونہاںنوں بند کر د تا جائے یا کسی طرح اونہاں دی ادائیگی روک دتی جا ئے تے ایہ ممکن نہیں اے۔