تحریک انصاف نے پاکستان دا بیڑہ غرق کیتا،نفرت دا سودا ویچیا،احسن اقبال

نارووال(بیورورپورٹ)وفاقی وزیر منصوبہ بندی وترقی احسن اقبال نے آکھیا اے کہ تحریک انصاف نے اپنے 4سالہ دور حکومت وچ پاکستان دا بیڑہ غرق کیتا تے نفرت دا سودا ویچیا،2018 دے الیکشن بعد عمران خاں نے سی پیک ذریعے بنن والے منصوبیاںاُتے کرپشن دا الزام لایا جس اُتے چین نے اپنا سرمایہ چُکیا تے ایران و انڈیا لے گیا۔ظفروال دے نواحی گائوں میلووال وچ خطاب کر دیاں ہو یاں اونہاں نے آکھیا کہ اسیں ظفروال دے الیکشن وچ اک مشن تحت حصہ لیا سی،اسیں امن تعلیم تے ترقی دے اک اک لفظ اُتے پہرا دے رہے ہاں،میں الیکشن وچ کہندا رہیا واںجس طرح اک اناڑی کَدی موٹر سائیکل نہیں چلا سکدا اوسی طرح اک اناڑی نوں ملک دی چابی دتی اوہ ملک نوں تباہی دے دہانے اُتے لے آیا، 2013 توں پہلاں پاکستان دے اپنے سرمایہ دار وی پاکستان وچ پیسہ لان لئی تیار نہیں سن۔