مستند ڈیٹا ہون نال حق اصل حقدار نوں ہی ملے گا،مریم نواز

لہور(پنجابی میڈیا)وزیراعلی پنجاب مریم نواز دی ہدایت اُتے صوبہ بھر وچ سوشیو اکنامک رجسٹری پراجیکٹ دا باقاعدہ آغاز کر دتا گیا۔وزیراعلی پنجاب دی زیر صدارت اجلاس ہویا جس وچ سوشیو اکنامک رجسٹری پراجیکٹ دا جائزہ لیا گیا، مریم نواز نے ڈپٹی کمشنرز نوں سوشیو اکنامک رجسٹری دی مانیٹرنگ دا ٹاسک سونپ د تا۔سوشیو اکنامک رجسٹری تحت صوبہ بھر وچ گھراںنوں شمار کیتا جائے گا، پراجیکٹ وچ ہر گھرانے دا معاشی سٹیٹس وی درج کیتا جائے گا، ایس حوالے نال وزیراعلی پنجاب مریم نواز نے آکھیااے کہ مستند ڈیٹا ہون نال حق اصل حقدارنوں ہی ملے گا، عوام لئی سوشیو اکنامک رجسٹری پراجیکٹ وچ رجسٹریشن نوں آسان بنایا اے، ایس پراجیکٹ نال حکومت نوں لوکاں دے مسائل حل کرن وچ مدد ملے گی۔مریم نواز نے کمشنرز تے ڈپٹی کمشنرزنوں ہدایت کیتی کہ رجسٹریشن سینٹرز اُتے آن والے شہریاںنوں آسانی فراہم کیتی جائے۔