عدالتاں سا سہارا لے کے کوئی چی گویرا تے نیلسن منڈیلا نہیں بن سکدا،عظمی بخاری

لہور(پنجابی میڈیا)صوبائی وزیر اطلاعات عظمی بخاری نے آکھیا اے کہ عدالتاں دا سہارا لے کے کوئی چی گویرا تے نیلسن منڈیلا نہیں بن سکدا۔خیبرپختونخوا حکومت دے9 مئی واقعے اُتے جوڈیشل کمیشن بنان دے مطالبے اُتے ردعمل دیندیاں ہویاں عظمی بخاری دا کہنا سی کہ خیبرپختونخوا حکومت دا پشور ہائیکورٹ نوں جوڈیشل کمیشن بنان دا خط عدالتی ہتھوڑے دے تھلے چُھپن دی نکام کوشش اے، گیدڑ نوں جدوں موت نظر آندی اے تے اوہ شہر ول نَسدا اے۔اونہاں نے آکھیا کہ جوڈیشل کمیشن ہمیشہ پوشیدہ تے وضاحت طلب معاملات اُتے بن دے نیں، 9 مئی دی نکام بغاوت دی ویڈیوز، تصویران تے آڈیوز بطور ثبوت موجود نیں، 9 مئی دی نکام بغاوت ملک دے خلاف اک سازش سی، ایس بغاوت سے سارے کردار اوس دے سہولت کار تے ماسٹر مائنڈ کہیڑے نیں حقیقت سامنے آچکی اے۔