پاکستان وچ مذہب دے ناں اُتے خون خرابے دی کوشش کیتی جارہی اے،خواجہ آصف

اسلام آباد(بیورورپورٹ)وفاقی وزیر خواجہ آصف داکہنا اے کہ پاکستان وچ مذہب دے ناں اُتے خون خرابے دی کوشش کیتی جارہی اے۔ اسلام آباد وچ وفاقی وزیر خواجہ آصف نے پریس کانفرنس کر دیاں ہو یاںکیتی کہ بغیر کسی ابہام دے چیف جسٹس قاضی فائز عیسی خلاف سازش چل رہی اے، چیف جسٹس دا ایس قسم دے فیصلے یا بیان دے نال کوئی تعلق نہیں، سپریم کورٹ ایس معاملے اُتے واضح بیان دے چکی اے، کجھ لوکاں دے سیاسی مفاد ایس مسئلے توں وابستہ نیں ایس لئی جھوٹ اُتے مبنی پروپیگنڈا بدستور جاری اے۔ خواجہ آصف داکہنا سی کہ ریاست ایس دی اجازت نہیں دیوے گی کہ تُسی کسی دے قتل دے فتوے جاری کرو، ریاست سوشل میڈیا دے ایس پروپیگنڈے خلاف ایکشن لئے گی، کھلی چھٹی دتی گئی تے ریاست دا شیرازہ بکھر جائے گا۔