کسی دے قتل دا فتوی دین دا اختیار کسی دے کول نہیں ،عطا اللہ تارڑ

راولپنڈی (بیورورپورٹ)وفاقی وزیر اطلاعات عطاتارڑ داکہنا اے کہ کسی نوں قتل دافتوی دین دا اختیار نہیں ، اسیں نفرت پھیلان والیاں تے قتل دے فتوے دین والیاں دے رستے دی دیوار بناں گے ۔وفاقی وزیر اطلاعات عطاتارڑ نے لیگی رہنما حنیف عباسی نے علمائے کرام دے ہمراہ پریس کانفرنس کر دیاں ہو یاں آکھیا کہ وضاحتی بیان آگیا تے اوس دی کیہ گنجائش اے کہ قتل دے فتوے جاری کیتے جان،تہانوں فتوے دین دا حق کس نے دتا اے، واضح کردیاں ہُن ایہ مذمت توں اگے دا کم اے، ایہ رواج شروع ہوگیا کہ قتل کردیو تے اینہی رقم لے لو، ہُن اینہاں ہتھاں نوں روکیا جائے گا۔عطا تارڑ نے آکھیا کہ فتوے جاری کرن دے پیچھے کھلے سیاسی مقصد نیں ؟ اونہاں دا اپنا مکتبہ فکر کیہاے؟ میرے بزرگاں نے جیہڑا کردار ادا کیتا تریخ وچ تے اوہ کاربند رہے ایس معاملے اُتے، جسٹس قاضی فائز عیسی دے والد قائد اعظم دے ساتھی سن، اونہاں دے دادا نے وی مسلماناں لئی خدمتاں فراہم کیتیاں، بغیر تحقیق دے، بغیر پریس ریلیز نوں ویکھے قنون نوں ہتھ وچ لین دی اجازت نہیں دتی جائے گی۔