21ویں صدی دے چیلنجاں دامقابلہ کرن لئی پاکستان کامن ویلتھ دا ساتھ دیوے گا،اسحاق ڈار

اسلام آباد(بیورورپورٹ)وزیر خارجہ تے نائب وزیراعظم اسحاق ڈار نے آکھیا اے کہ پاکستان رکن دی حیثیت نال دولت مشترکہ تے اوس دے اداریاںنوں بوہت اہمیت دیندا اے، 21ویں صدی دے چیلنجاں دا مقابلہ کرن لئی پاکستان کامن ویلتھ دا ساتھ د یوے گا۔سیکرٹری جنرل دولت مشترکہ پیٹریشیا سکاٹ لینڈ دے ہمراہ سانجھی پریس کانفرنس کر دیاں ہویاں اسحاق ڈار داکہنا سی کہ پیٹریشیا سکاٹ لینڈ دے پہلے دورہ پاکستان دا خیر مقدم کردا ہاں، سیکرٹری جنرل دی موجودگی پاکستان تے دولت مشترکہ دے مضبوط تعلقات دی نشانی اے۔