حکومت 3توں4مہینیاں دی مہمان اے،فوادچودھری

اسلام آباد(بیورورپورٹ)سابق وفاقی وزیر فواد چودھری نے آکھیا اے کہ ایس حکومت نوں تے ہر صورت گھر جانا اے، حکومت 3توں4مہینیاں وچ رخصت ہوجائے گی۔اسلام آباد وچ میڈیا نال گل بات کر دیاں ہو یاں سابق وفاقی وزیر فواد چودھری نے آکھیا اے کہ حکومت دے گھر جان بارے آن والے 40، 45 دناں وچ صورت حال واضح ہو جائے گی۔اونہاں نے آکھیا کہ حکومت ولوں کسی قسم دت مذاکرات دی پیشکش نوں پی ٹی آئی ولوں مثبت طریقے نال نپٹنا چاہیدا اے ، ملک وچ سیاسی محول بہتر ہونا چاہیدا اے ۔فواد چودھری دا کہنا اے کہ بانی پی ٹی آئی دا آرمی چیف نوں پیغام نہایت خوش آئند اے، اوس بیان نال پی ٹی آئی دا ناں استعمال کر کے بیرون ملک بیٹھ کے سوشل میڈیا اُتے پروپیگنڈا کرن والے یتیم ہوگئے نیں ۔اونہاں دا ایہ وی کہنا اے کہ بالاںنوں گرفتار کر کے ایہ اپنا بیانیہ بنان دی نکام کوشش کر رہے نیں۔