نویں توشہ خانہ ریفرنس وچ عمران خان تے بشری بی بی دے جسمانی ریمانڈ وچ توسیع

راولپنڈی(بیورورپورٹ) نویں توشہ خانہ ریفرنس وچ عمران خان تے بشری بی بی دے جسمانی ریمانڈ وچ توسیع ہوگئی۔بانی چیئرمین پی ٹی آئی عمران خان تے اونہاں دی گھر والی بشری بی بی خلاف نویں توشہ خانہ ریفرنس دی سماعت اڈیالہ جیل وچ ہوئی، جس وچ ملزماں دے وکیل بیرسٹر سلمان صفدر نے جسمانی ریمانڈ دی مخالفت وچ دلائل د تے۔دورانِ سماعت نیب دے پراسیکیوٹر جنرل سردار مظفر عباسی ، ریفرنس دے تفتیشی ڈپٹی ڈائریکٹر نیب محسن ہارون عدالت وچ پیش ہوئے۔ ایس موقع اُتے بانی پی ٹی آئی عمران خان تے اونہاںدی گھر والی بشری بی بی نوں وی کمرہ عدالت وچ پیش کیتا گیا۔سماعت دے دوران پراسیکیوٹر جنرل نیب سردار مظفر عباسی تے بانی چیئرمین پی ٹی آئی دے وچکار تلخ جملیاں دا تبادلہ ہویا۔بشری بی بی وی بانی پی ٹی آئی دے نال روسٹرم اُتے آ گئیاں تے اونہاں نے جج توں مکالمہ کر دیاں ہو یاں آکھیا کہ تُسی جیہڑا فیصلہ کرنا چا ہندے او کرو، میں اپنا فیصلہ اللہ اُتے چھڈ دتا اے۔بعد وچ احتساب عدالت دے جج محمد علی وڑائچ نے نویں توشہ خانہ ریفرنس دی سماعت 8 اگست تک ملتوی کردتی تے بانی پی ٹی آئی تے بشری بی بی دے جسمانی ریمانڈ وچ ہور 10 دناں دی توسیع کردتی۔