عورتاں تے بالاں دی حفاظت لئی سارے ممکنہ اقدام کر رہے ہاں،مریم نواز

لہور(پنجابی میڈیا)وزیراعلی پنجاب مریم نواز نال پاکستان وچ تعینات برٹش ہائی کمشنر جین میری ایٹ نے ملاقات کیتی جس وچ باہمی تعاون دے ودھا اُتے تبادلہ خیال کیتا گیا۔ملاقات دے دوران تعلیم، صحت تے ہور شعبیاں وچ اشتراک ودھان اُتے اتفاق ہویا، وزیراعلی مریم نواز نے پنجاب وچ پہلے ویمن ورچوئل پلس سٹیشن تے چائلڈ سیفٹی ورچوئل سنٹر دے قیام توں برطانوی ہائی کمشنرنوں آگاہ کیتا۔ایس موقع اُتے گل بات کر دیاں ہو یاں وزیراعلی پنجاب مریم نواز داکہنا سی کہ عورتاں تے بالاں دی حفاظت لئی سارے تر ممکنہ اقدام کر رہے ہاں، پنجاب وچ 14اگست توں سولرائزیشن پراجیکٹ شروع کر دتا جائے گا، عوام نوں معاشی ریلیف لئی سولر پینل مہیا کررہے ہاں، سولر پراجیکٹ وچ برطانوی کمپنیاں دا خیر مقدم کیتا جائے گا۔