عمران خان دا9 مئی دے 12 مقدمیاں وچ ضمانت لئی عدالت نال رجوع

لہور(پنجابی میڈیا)بانی پی ٹی آئی عمران خان نے 9 مئی دے 12 مقدمیاں وچ ضمانت لئی انسداد دہشتگردی عدالت نال رجوع کر لیا۔سابق وزیراعظم عمران خان نے اپنے وکیل سلمان صفدر ذریعے انسدادِ دہشتگردی عدالت وچ درخواستاں دائر کر دتیاں۔درخواستاں وچ موقف اپنایا گیا اے کہ عمران خان ساریاں مقدمیاں وچ جوڈیشل ریمانڈ اُتے نیں، بانی پی ٹی آئی نال کسی قسم دی کوئی ریکوری نہیں ہونی، سارے کیس بدنیتی اُتے مبنی نیں، ساہنوں انتقام دا نشانہ بنایا جا رہیا اے۔اے ٹی سی میں دائر درخواستاں وچ استدعا کیتی گئی اے کہ انسدادِ دہشتگردی عدالت ضمانت بعد از گرفتاری دی درخواستاں منظور کرے۔واضح رہے کہ بانی پی ٹی آئی تے سابق وزیراعظم عمران خان نے جناح ہائوس حملہ کیس، عسکری ٹاور جلا گھیرا سنے ہور مقدمیاں وچ رہائی دی استدعا کیتی اے۔