شہباز شریف تے مریم نواز عدلیہ مخالف مہم نوں لیڈ کر رہے نیں،فوادچودھری

اسلام آباد(بیورورپورٹ)سابق وفاقی وزیر فواد چودھری نے الزام عائدکیتا اے کہ وزیراعظم شہباز شریف تے وزیراعلی پنجاب مریم نواز عدلیہ مخالف مہم نوں لیڈ کر رہے نیں۔اسلام آباد وچ میڈیا نال گل بات دے دوران فواد چودھری دا کہنا سی کہ عدالتاں دے فیصلیاں دی عزت نہیں کیتی جارہی، ہر چیز وچ رکاوٹ پانا عام جیہی گھل ہوگئی اے۔اونہاں دا کہنا سی کہ سنیا اے شہباز شریف اج قومی اسمبلی وچ عدلیہ دے کنڈکٹ اُتے تقریر کرن جارہے نیں، وزیراعظم دی ایس طرح دی گل آئین دی خلاف ورزی ہوئے گی۔اونہاں نے آکھیا کہ عدلیہ دے فیصلیاں دی تضحیک اُتے شہباز شزیف نااہل وی ہوسکدے نیں، مریم نواز دے بعد ن لیگ دے ایم این ایز، ایم پی ایز عدلیہ دی تضحیک کر رہے نیں، ن لیگ عدلیہ اُتے حملہ آور اے، ایس ویلے پاکستان وچ غیر یقینی صورتحال اے۔