عمران خان دا پیغام ات کہ قوم دسمبر وچ الیکشن لئی تیار رہے،احمد خان بھچر

لہور(پنجابی میڈیا)پنجاب اسمبلی وچ اپوزیشن لیڈر احمد خان بھچر نے آکھیا اے کہ بانی پی ٹی آئی داپیغام اے قوم دسمبر وچ الیکشن لئی تیار رہے۔لہور وچ میڈیا نال گل بات کر دیاں ہو یاں احمد خان بھچر دا کہنا سی کہ بانی پی ٹی آئی کہندے نیں اپنی ذات لئی انتقام نہیں لاں گا، ملک نوں نقصان پہنچان والیاں دا احتساب ضرور کراں گے۔اونہاں نے آکھیا کہ بانی پی ٹی آئی جلسیاں دا شیڈول دے رہے نیں، لہور وچ وی بوہت چھیتی وڈی تبدیلی آئے گی، 5 اگست توں نویں تحریک شروع ہوئے گی، اک سوال آندااے کہ الیکشن اُتے خرچہ ہوئے گا الیکشن اُتے خرچہ بہتر اے، ایس قوم دی ایس عذاب توںجان چُھٹ جائے گی۔احمد خان بھچر دا کہنا سی کہ کہ ڈاکٹر یاسمین راشد دی طبیعت وی حکومت دی بے حسی پاروں خراب ہوئی تے عمر سرفراز چیمہ نوں میڈیکل دی سہولت دین توں انکارکیتا گیا اے۔