بانی پی ٹی آئی دے دور وچ بجلی17روپے فی یونٹ سی،اج85روپے اے،عمرایوب

اسلام آباد(بیورورپورٹ)قومی اسمبلی وچ اپوزیشن لیڈر عمر ایوب نے آکھیا اے کہ بانی پاکستان تحریک انصاف (پی ٹی آئی) عمران خان دے دور وچ بجلی17روپے فی یونٹ سی تے اج 85 روپے اے ، 70 فیصد پاور پروجیکٹس امپورٹڈ فیول اُتے لائے گئے۔اسلام آباد وچ پی ٹی آئی رہنما عمرایوب نے شبلی فراز دے ہمراہ پریس کانفرنس کر دیاں ہو یاں آکھیا کہ اسیں آج کجھ حقائق پیش کرنا چاہندے ہاں،میں خود کجھ ورھے وزیر توانائی رہیا واں، وزیراعظم شہبازشریف اُٹھ کے اج کہندے نیں کہ اج ایس سیکٹرنوں50ارب روپے دیاں گے، اونہاں دا 50ارب روپے نال کجھ نہیں بن دا۔ عمر ایوب نے آکھیا کہ آئی پی پیز دے معاملے اُتے شبلی فراز نے پورا پیپر لکھیا سی، بانی پی ٹی آئی دی حکومت وچ بجلی دا ریٹ 17روپے سی، تہاڈاریٹ آف ریٹرن ڈالر وچ فکس کیتا گیا اے،تہانوں پتہ ہونا چا ہیدا اے مجرم کون اے؟