دنیا نوں انسانی سمگلنگ جہے گھنائونے جرم خلاف کھڑے ہونا ہوئے گا،محسن نقوی

اسلام آباد(بیورورپورٹ)وفاقی وزیر داخلہ محسن نقوی نے آکھیا اے کہ ترقی یافتہ تے ترقی پذیر ملکاںنوں انسانی سمگلنگ جہے گھنائونے جرم خلاف اکٹھے کھڑے ہونا ہوئے گا۔انسانی سمگلنگ روکن لئی عالمی دن اُتے اپنے اک پیغام وچ وفاقی وزیر داخلہ محسن نقوی دا کہنا سی کہ بیروزگاری، غربت تے غیر مساوی دولت دی وَنڈ نال انسانی سمگلنگ وَدھ ہوئی اے، ترقی پذیر ملکاں نوںغیر قنونی انسانی سمگلنگ دا سب توں وَدھ سامنا اے۔اونہاں نے آکھیا کہ پاکستان وچ وی انسانی سمگلنگ دے منظم گینگ سرگرم نیں، ایف آئی اے اینہاں گینگزاںدی سرکوبی لئی ہرویلے چوکس اے، انسانی سمگلنگ وچ ملوث کئی ملزماںنوں قنون دی گرفت وچ لیایاجا چکیا اے ،انسانی سمگلنگ روکن لئی اقوام عالم نوں کثیر الجہتی سانجھے اقدام کرن دی اَشد لوڑ اے۔