پنجاب وچ مون سون اسپیل اج تک جاری رہن دا امکان

لہور(پنجابی میڈیا) پنجاب وچ مون سون اسپیل اج تک جاری رہن دا امکان اے۔ترجمان پی ڈی ایم اے مطابق پنجاب دے بیشتر ضلعیاں وچ مون سون بارشاں دا سلسلہ اج رات تک جاری رہن دا امکان اے۔ مختلف شہراں وچ تیز ہواواں تے گرج چمک دے نال بارشاں متوقع نیں۔پچھلے24 گھنٹیاں وچ راولپنڈی بہاولپور چکوال فیصل آباد خان پورمنڈی بہاوالدین سرگودھا تے ٹوبہ ٹیک سنگھ وچ بارشاں ہویاں جدکہ آئندہ 24 گھنٹیاں وچ لہور سیالکوٹ نارووال گوجرانولہ فیصل آباد تے راولپنڈی وچ بارش دا امکان اے۔پی ڈی ایم اے ترجمان دا کہنا اے کہ دریائے سندھ، چناب، راوی ،جہلم تے ستلج وچ پانی دا بہائو نارمل لیول اُتے اے۔ منگلا ڈیم وچ پانی دی سطح 58 فیصد تے تربیلا ڈیم وچ 70 فیصد تک اے۔