شہباز تے مریم اپنا بوریا بسترگول کرلین، دسمبر وچ پی ٹی آئی دی حکومت ہوئے گی، اسد قیصر

مردان(بیورورپورٹ)پی ٹی آئی دے سینئر رہنما تے سابق سپیکر قومی اسمبلی اسد قیصر نے آکھیا کہ شہباز شریف تے مریم نواز اپنا بوریا بستر گول کر لین، دسمبر وچ پی ٹی آئی دی حکومت ہوئے گی۔سابق سپیکر اسد قیصر نے مردان وچ وکلا کنونشن نال خطاب کر دیاں ہو یاں آکھیا کہ قومی اسمبلی فارم47 دی اسمبلی اے، اعظم نذیر تارڑ جس قسم دی قنون سازی کررہے نیں اوس توں سپرمیسی آف لا متاثر ہو رہیا اے۔اسد قیصر نے آکھیا کہ مہنگائی تے بجلی بلاں وچ ودھا دے خلاف 5 اگست نوں نکلاں گے، آ ئی پی پیز دے ایگریمنٹ والیاں دے ناں قوم سامنے لیان، ملک وچ قنون تے آئین دی بالادستی انتہائی ضروری اے۔سابق سپیکرقومی اسمبلی نے ہور آکھیا کہ اسمبلی جیہڑی قنون سازی کرے گی اوس دی کوئی حیثیت نہیں۔